blogoccitanbarral

Tot se passèt a la debuta de las vacanças de febrièr, enfin de las vacanças en Lengadòc perque en Provença i èran pas encara en vacanças... Doncas, aprèp de meses de preparacion, de vendas de còcas per finançar las activitats e los trajèctes en bus, d'atacs de nèrvi per saber dins quinas familhas anirián los correspondents, los collègas de Provença son arribats en çò nòstre, plan planet (aprèp aver espotit un paure gos a Sant Pons ... non, es pas vertat, èra la galejada per explicar lor retard ...!)
Agachatz las fòtos : faràn enveja a los/las qu'i èran pas e rapelaràn de bons sovenirs a los qu'i èran !


Aprèp lo dinnar, per dire de far la digestion, Francesa de Fanti - qu'es professora de dança e cantaira dins lo grop Landiridi- nos aprenguèt a plaçar la votz per plan cantar (vos trufètz pas se vos plai ...) e a dançar la borrèia, la polcà e l'escòtich. Un grand moment de concentracion coma podètz veire sus las fòtos ...

Aicí son : ne manca pas un : los campions olimpics per charrar. I a pas qu'a esperar que lo jorn que passaràn l'espròva d'occitan seràn tan parlaires coma pendent l'annada ...!

Per commemorar lo uèit centen aniversari de la crosada -l'an que ven-, Macarèl organisa un concors d'idèas.
Cal trobar siá un ESLOGAN que començarà per    " 1209-2009 :  "......", siá far un dessenh sul tèma 1209-2009 ( amb 4 colors) Las produccions son de mandar sul siti de Macarèl  (       http://www.macarel.org  ) abans la fin de febrièr.

Demest los prèmis de ganhar i a de bons de 150€ per crompar de causas de Macarèl e un sejorn totes fraisses pagats a las Estivadas de Rodés.

Vos demòra pas pus qu'a vos curar lo cervèl macarèl !!!

Occitània a pè es una operacion de promocion de l'occitan que foguèt tanben pels joves un biais de se retrobar dins un bon ambient. Pensam qu'es estat una bona experiéncia de descobrir d'autras personas qu'an la meteissa passion per la cultura e la lenga nòstras, e tanben una bona operacion mediatica.
CELINE e GUILLAUME, 1°