Dimanche 6 avril 2008

Panièr traucat NBA

Boston a ganhat contra New Orleans lo duèl dels lidèrs de Conferéncia, al som de la Liga Nòrd Americana. Paul Pierce a marcats 27 punts, Kevin Garnett 21 punts e 13 rebombs. La marca finala es :
122 punts pels Celtics e 92 punts pels Hornets.
Atencion ! Dins tres setmanas, es la debuta dels play-offs !
Qualques nòvas dels franceses :
Tony Parker e los Spurs an ganhat lo meteis vèspre contra Minnesota (Texas), 99 -84. JULIANE.
Tony Parker
Par los occitans de barral - Publié dans : espòrts
Ecrire un commentaire - Voir les commentaires - Recommander
Lundi 31 mars 2008

los liceans d'Albi vòlon lors opcions !

Agachatz çò que los liceans del licèu Bellevue d'Albi faguèron per protestar contra la supression de cèrtas opcions : http://fr.youtube.com/watch?v=ojB-BJDLONY Osca a eles per èsser coratjoses e solidaris.

Par los occitans de barral - Publié dans : bramadissas
Ecrire un commentaire - Voir les commentaires - Recommander
Lundi 31 mars 2008

Lo jòc "World of Warcraft"

World of Warcraft es un jòc sus internet e al qual de millions de jogaires jògan a l'encòp e amassa. Lo jòc foguèt creat per Blizzard en 1994 e consistís a tuar un rei celèbre qu'a fusionat amb un servidor del mal.
Se vos interèssa, podètz jogar sul servaire privat VIPWOW, fargat per d'escolans del licèu Barral. BENJAMIN
World of Warcraft
Par los occitans de barral - Publié dans : jòcs videò
Ecrire un commentaire - Voir les 1 commentaires - Recommander
Lundi 31 mars 2008

Los ch'tis : lo film

Doncas es l'istòria d'un òme qu'es desesperat perque es estat mudat dins lo nòrd. Fin finala, los estatjants son braves, e decidís de s'installar dins lo nòrd amb sa familha. Dos ans aprèp, es fòrça trist perque es mudat tornamai dins lo sud. Lo film nos a fòrça agradat mas quora aurem " Benvenguda cò dels Occitans " ? ...
MORGAN e CLEMENT
Par los occitans de barral - Publié dans : cinemà,libres,B.D,TV
Ecrire un commentaire - Voir les 2 commentaires - Recommander
Lundi 31 mars 2008

Oral bac occitan

Per los qu'aurián mancat un episòdi, rapèli que l'oral d'occitan pel bac 2008 se farà lo 15 de mai al licèu de La Bòrda Bassa : emai s'avètz la caganha, sètz pregats d'arribar amb lo sorire, coma lo caton sus la fotò - e los documents en doble- !

Chat grand sourire funny
Par los occitans de barral - Publié dans : qué de nòu ?
Ecrire un commentaire - Voir les commentaires - Recommander
Lundi 31 mars 2008

nos languissèm d'aver lors CD ...

Esperam amb IMPACIÉNCIA lo CD nòu d' Eydolon (qu'enfin, ara, lo vièlh, lo coneissèm per còr ...), e nos atriga tanben de poder ausir lo CD que los de Brick a Drac son a alestir (çò pareis). Lizà deu tanben ne far un autre , tan melhor ! TARTINA 
Image hébergée par Casimages.com : votre hébergeur d images simple et gratuit
Par los occitans de barral - Publié dans : musica
Ecrire un commentaire - Voir les 3 commentaires - Recommander
Dimanche 30 mars 2008

Lo maquilhatge

Lo maquilhatge es important per fòrça joventas : permet de metre en valor cèrtas parts de la cara, subretot los uèlhs. Òm se servís de maquilhatge de color negra, per exemple de mascarà negre sus las cilhas o un gredon negre per soslinhar lo contorn dels uèlhs. Mas pel fard de parpèlas, cal causir una color adaptada a la color dels uèlhs : s'avètz d'uèlhs verds, lo fard de parpèlas serà verd, castanh o burèl ; s'avètz d'uèlhs blaus, serà de color clara, lo ròse es perfièit; e s'avètz d'uèlhs castanhs, serà d'una color puslèu escura.
Pels pòts, çò melhor es de soslinhar lor contorn amb un gredon e de se servir de "glòss".  SARAH.
Comment maquiller des yeux bruns ?
Par los occitans de barral - Publié dans : mòda e maquilhatge
Ecrire un commentaire - Voir les 1 commentaires - Recommander
Dimanche 30 mars 2008

Las eleccions

Se son desenrotladas sus dos torns per elegir de cònsols e de representants dels cantons. Fòrça vilas grandas son passadas a l'esquèrra, coma Tolosa, e la drecha a perdudas maitas vilas.
Malgrat un taus d'abstencions naut ( 35%), i aguèt fòrça remolins dins la vida politica ( a Perpinhan per exemple ont un òme aviá amagats de bulletins de vòte dins sas caucetas !!!) La femna del president de la republica es pas anada votar per çò qu'èra pas marcada sus las listas electoralas.
De ministres del govèrn son estats batuts per d'òmes politics d'esquèrra, per exemple lo ministre de l'educacion nacionala, Xavièr Darcòs.Ara, l'esquèrra a la màger part dels conselhs regionals, dels conselhs generals e de las vilas.  AURELIE.
Par los occitans de barral - Publié dans : qué de nòu ?
Ecrire un commentaire - Voir les commentaires - Recommander
Dimanche 30 mars 2008

Concèrts de Lizà e Brick a Drac

A Castras d'abòrd puèi a Aurenja, en Provença, los liceans de segonda, primièra e terminala an assistit a un concèrt de la cantaira provençala Lizà. Sèm estats fòrça contents de veire aqueles espectacles perque Lizà es una professionala de tria. A una votz agradiva e s'acompanha al pianò. A un percussionista fòrça bon tanben.
Al licèu, dins la cafeteriá, i aguèt un concèrt del grop Brick a Drac. Son d'Avairon e fan una musica que bolèga. Nos sèm regalats de los ausir e tanben de dançar coma de calucs !  LOIC
Par los occitans de barral - Publié dans : musica
Ecrire un commentaire - Voir les 1 commentaires - Recommander
Vendredi 28 mars 2008

MEDIEVAL II TOTAL WAR

Aqueste jòc videò foguèt desvolopat per "the creative assembly" e editat per Sega. Se passa entre 1080 e 1503 en Euròpa e fins a l'Orient Mejan e lo Novèl Monde. Aqueste jòc condiciona doas menas de jòcs : l'estrategia sus una mapa e puèi dins las batalhas amb de milierats de soldats suls camps de batalha.
La diplomacia,lo comèrci e la religion jògan tanben un ròtle important dins la campanha. Lo jòc conten un mòde "multi-jogaire" e un mòde malhum.
Los grafismes son de tria amb fòrça detalhs (suls morres, sus las armaduras eca) , cal dire que lo motor grafic foguèt melhorat. Podètz jogar mai d'una mena de partidas : campanhas o batalhas simplas.
Vos recomandi aquel jòc mas lo problèma es que vos caldrà aver un ordenator poderós ( 11GO de memòria sul disc dur) e una bona carta grafica tanben.  DAMIEN.
                          
      Medieval II : Total War
Par los occitans de barral - Publié dans : jòcs videò
Ecrire un commentaire - Voir les commentaires - Recommander

Publicité

 

Présentation

 

Créer un Blog

Créez votre blog gratuit

 

Recherche

 

Calendrier

Novembre 2009
L M M J V S D
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
<< < > >>

 

Créer un blog sur over-blog.com - Contact - C.G.U. - Rémunération en droits d'auteur - Signaler un abus