Jeudi 5 juin 2008
4
05
/06
/2008
10:30
Vos vau presentar un film titolat "Pearl Harbor". Ai enveja de
vos ne parlar perque es un dels filmes qu'estimi mai : es vertadièrament subrebèl.
Lo resumit : es l'istòria de dos amics, Rafe Mac Cawley e Danny Walker, que son totes dos pilòts, e de mai,
son demest los melhors pilòts. A-n'aquel moment, la segonda guèrra mondiala espeta en Euròpa. Pendent una visita medicala, Rafe tomba regde amorós d'una infirmièra, mas es mudat en Anglatèrra per
combatre. Son amor d'infirmièra e son melhor amic, eles, son mudats sus la basa de Pearl Harbor. Mas se pensan pas d'èsser atacats pels Japoneses ...
Vaquí ! Se volètz conéisser la fin d'aquel film EXCEPCIONAL, lo vos cal anar veire ! Ba regretaretz pas
!
SANDY.
Par los occitans de barral
-
Publié dans : cinemà,libres,B.D,TV
0
-
Recommander
Lundi 5 mai 2008
1
05
/05
/2008
12:19
Es l'istorià de Didier Travolta, qu'a 40 ans e que s'es endeutat fins al còl dins un afar de "water bed", viu al Havre a cò de sa maire. Recep un jorn una letra de la maire de son filh Brian que
viu en Anglatèrra, e que ditz qu'aurà pas lo pichon se pòt pas li pagar de vertadièras vacanças. Per astre, Jean-François Jackson tornèt durbir lo mitic Gin Fizzc e a fondava la Gin Fizz
Academy per tornar far de concorses de discò. Lo premièr prèmi es un viatge per dos en Australia! Ne cal pas mai per que la fèbra del dissabte ser torne prene l'ex-rei del dance-floor. Lo
Travolta normand pren alavetz de corses de dança a cò de la polida France Navarre per tornar far son ancian grop : los Bee Kings. Mas li cal convéncer sos associats que son un pauc
rovilhats...
Gara : lo Discò es tornat e vos va balhar la fèbre!
PIERRE
Par los occitans de barral
-
Publié dans : cinemà,libres,B.D,TV
0
-
Recommander
Lundi 7 avril 2008
1
07
/04
/2008
17:03
Avètz ja ausit d’aquèl libre de George Orwell qu’es titolat La Bòria de l’animalum ? Conta la vida d’una bòria ont vivon sonque de bèstias. D’efièch, se son revoltadas contra lor mèstre,En Jones, perque vòlon
èsser liuras. Comença una granda aventura per Douce, Malabar, Benjamin e Napoleon. Establisson de comandaments (sèt) que semblan un pauc nòstra Declaracion dels Dreches de l’Òme et del
Ciutadan.
Mas, pauc a cha pauc, aqueles comandaments desaparéisson a causa dels pòrcs que decidon de tot e que
profièitan del trabalh de las autras bèstias. M’agradèt plan aquel libre perque mòstra d’un biais imatjat mas real, los cambiaments morals de las personas (e lo comunisme en Russia).
Me rapelarai l’ultima frasa del libre ; es la que resumís plan tota
l’istòria : « los uelhs de las bèstias anavan del pòrc a l’òme e de l’òme al pòrc e tornar del pòrc a l’òme mas ja èra impossible de destriar l’un de l’autre ».
SIMON .
Par los occitans de barral
-
Publié dans : cinemà,libres,B.D,TV
0
-
Recommander
Dimanche 6 avril 2008
7
06
/04
/2008
14:15
Es una istòria bateganta escrita per Harlan Coben. Lo libre es estat adaptat per Guillaume Canet que ne faguèt un film.
Lo eròi, Alex, cèrca sa femna qu'a desaparegut dempuèi uèit ans. A pas jamai pogut acceptar sa disparicion. Un jorn, vaquí que recep un mèl amb una fotò de sa femna presa lo quite jorn ! La
question que los legeires se pausan es : es viva o mòrta sa femna ?
Dins lo film, lo personatge màger es jogat per l'actor François Cluzet, qu'es fòrça bon, i a tanben Nathalie Baye.. Es un film que vos cal anar veire sens esperar ! CELINE.
![[Affiche]](http://www.dvdrama.com/imagescrit2/d/i/s/dis_a_personne_cine.jpg)
Par los occitans de barral
-
Publié dans : cinemà,libres,B.D,TV
0
-
Recommander
Dimanche 6 avril 2008
7
06
/04
/2008
14:03
Es un actor celèbre, conegut dins lo mond entièr. A jogat dins fòrça filmes coma "Piratas de las Caraïbas" 1,2 e3 o "Fenèstra secreta". Es un òme bèl que jòga
fòrça plan. De còps, es un pauc fadòrla mas està plan a son personatge. Es maridat amb l'actritz e cantaira francesa Vanessa Paradis e an dos dròlles : Lily-Rose e Jack.
PHILIPPE.
Par los occitans de barral
-
Publié dans : cinemà,libres,B.D,TV
0
-
Recommander
Dimanche 6 avril 2008
7
06
/04
/2008
13:43
En França, aquela emission foguèt creada en 2003 e coneis un succès que quita pas de créisser.Jonathan Cerrada, Myriam Abel, Christophe Willem e Julien Doré son
estats los venceires de las sasons 1,2,3,4 e 5. Sembla que, de mai en mai, los candidats sián de professionals ( e non pas de novelaris). An ja una carrièra professionala pro longa e comptan sus
l'emission per aver la chança de se far conéisser. LUCAS.
La Nòva Estela ensaja de trapar de cantaires que seràn las estelas de deman. Los candidats passan d'audicions e son jutjats per una jurada de 4 personas : André Manoukian,
Philippe Manoeuvre, Sinclair e Liò. A flor e a mesura, los candidats son eliminats. Lo que demòra a la fin es LA nòva estela. LOUISE
Par los occitans de barral
-
Publié dans : cinemà,libres,B.D,TV
0
-
Recommander
Dimanche 6 avril 2008
7
06
/04
/2008
13:36
La Linha verda es un film esmovent e fòrça trist. Es l'adaptacion d'un roman de Steven King. Conta l'istòria d'un òme, un omenàs, qu'es en preson. Es
accusat del murtre de doas drolletas mas es inocent. Es un film que vos cal veire sens mai esperar ! MARION.
Par los occitans de barral
-
Publié dans : cinemà,libres,B.D,TV
0
-
Recommander
Lundi 31 mars 2008
1
31
/03
/2008
17:22
Doncas es l'istòria d'un òme qu'es desesperat perque es estat mudat dins lo nòrd. Fin finala, los estatjants son braves, e decidís de s'installar dins lo nòrd amb sa
familha. Dos ans aprèp, es fòrça trist perque es mudat tornamai dins lo sud. Lo film nos a fòrça agradat mas quora aurem " Benvenguda cò dels Occitans " ? ...
MORGAN e CLEMENT
Par los occitans de barral
-
Publié dans : cinemà,libres,B.D,TV
2
-
Recommander
Vendredi 28 mars 2008
5
28
/03
/2008
18:04
Qual a pas ausit parlar dels dos fòrça polits liceans de Tree Hill, los dos basquetaires (o jogaires de panièr traucat) Nathan e Lucas ? Malurosament la difusion de
la seria s'arrestèt apèp la sason 4, quand los dos fraires e totes lors amics se donan rendètz-vos 4 ans mai tard, sul terren de panièr traucat .
Nos cal doncas esperar la sason que ven per saber enfin çò que se passèt pendent aquelas 4 annadas. La sason seguenta passarà en setembre, mas d'unes que i a seràn dins los estudis superiors e
auràn pas léser d'agachar la television, alara vos caldrà nos contar l'istòria .... MARIE -
Par los occitans de barral
-
Publié dans : cinemà,libres,B.D,TV
0
-
Recommander
Mardi 25 mars 2008
2
25
/03
/2008
22:00
Soi anada veire lo film fa pas gaire e lo vos pòdi conselhar. Es vertadièrament un film mannat ! Las replicas son ja conegudas per totes.En resumit, es l'istòria
d'un director de las pòstas que vòl èsser mudat dins un luòc al solelh. Aprèp de desavenis variats, es mandat dins lo Nòrd. Va descobrir que las gents son pas coma pensam que son. Vaquí !
Es un film que fa rire e qu'es tanben esmovent. Los actors son fòrça bons.I podètz menar tota la familha. Sandy.
Par los occitans de barral
-
Publié dans : cinemà,libres,B.D,TV
1
-
Recommander
